ޑީއާރުޕީގެ ޒައީމު އަދި ހުދުމުހުތާރު ވެރިޔާ މައުމޫނުއަބްދުލްޤައްޔޫމު ކެންޕޭން ދަތުރުފުޅުގައި އަތޮޅު ތެރެއަށް ވަޑައިގެންނެވުމުން ބައެއްރަށްރަށުން ރީނދޫ ކުލައިން މަރުހަބާ ކިޔާތީ އެކަމާއި ކަންބޮޑު ނުވާކަމަށް ވިދާޅުވެ، ހަމައެބީދައިން ކޮންމެ ރަށަކުން ރީނދޫ ކުލައިން މަރުހަބާކިޔާނަމަ ހަމަ އެގޮތަށް ޖަވާބުދާރީވާން ވިސްނަމުންދާކަމަށް މައުމޫނު ކެންޕޭން އޮފީހުން ބުންނަފައިއެވެ. މިވަނީ ކިހިނެތްބާއެވެ. ޒައީމު ކަންބޮޑެއްނުވެއެވެ. އެކަމަކު ކެންޕޭން އޮފީހުން ރައްދުދޭން ވިސްނަންފަށައިފިއެވެ.
މައުމޫނުގެ ކެންޕޭން އޮފީހުން އިއްޔެ އާންމުކުރި ހަބަރެއްގައި ބުނަނީ ހއ ދިއްދޫއަށް މައުމޫނު ވަދައިޑަތުމުން ކިޔުނު މަރުހަބާގެ ތެރޭގައި ރީނދޫކުލައިގެ މަރުހަބާވެސް ހިމެނޭކަމަށެވެ. ނަމަވެސް އެކަމާއި ކަންބޮޑު ނުވާކަމަށް ބުނެފައިވެއެވެ. އަދި ހަމަ އެދުވަހު އާންމުކުރި އެހެން ހަބަރެއްގައި ބުނަނީ ޒައީމު ރަށްރަށަށް ވަޑައިގަންނަވާއިރު ރާވައިގެން ކިޔަމުންދާ ރީނދޫ ކުލައިގެ މަރްހަބާއަށް ބަދަލެއް ނާންނަނަމަ ހަމަ އެގޮތަށް ޖަވާބްދަރީވާން މައުމޫނު 2008 ކެމްޕެއިނުން ވިސްނަމުންދާކަމަށެވެ. ހަމައެހެންމެ ރީނދޫކުލައިން މަރުހަބާ ކިޔަނީ ކުރީންރާވައިގެން، މަލީގޮތުންނާއި، ހިތްވަރުގެ ގޮތުން އެހީތެރިވެދީގެން ބަޔަކު ލައްވައިކަމަށް ވެސް ބުނެފައިވެއެވެ. އަދި އެކެންޕެއިން އޮފީހުން ސިޔާސީ ޕާޓީތަކަށް ގޮވާލާފައިވަނީ ޑިމޮކްރަސީގައި އޮންނަ މިނިވަންކަން އެހެން ފަރަތްތަކުގެ ހައްޤަށް އަރައިނުގަނެ ބޭނުން ކުރުމަށެވެ.
ސުވާލަކީ ރާވައިގެން ރީނދޫ ކުލައިން މަރުހަބާ ކިޔާއިރު ޒައީމު ރަށްރަށަށް ސަރުކާރު އުޅަނދުގައި ވަޑައިގަންނަވަނީ އެއްވުސް ރޭވުންތެރިކަމެއްނެތިތޯއެވެ. އަނެއް ސުވާލަކީ މިހާރުވެސް ނޫކުލައިން މަރުހަބާ ކިޔާމީހުން މަދު އެހާމެ ތަދު ދުވަސްވަރެއްގައި ނޫކުލައިން މަރުހަބާ ކިޔަން މީހުންނެރެނީ ދައުލަތުގެ މާލިއްޔަތާއި، އާރާ ބާރުން ހިތްވަރުދީންގެންބާވެ؟ ސުވާލަކީ ރީނދޫކުލަ ގިނައިން ފެނުނީމާ އެއްވެސް މީހެއްގެ ހައްޤެއް އަބުރެއް، އިއްޒަތެއް ގެއްލެނީބާވެ؟
0 comments:
Post a Comment